Нашар көретіндерге арналған нұсқа Тіл: Қазақша Русский 

Басты «БАРШАНЫҢ НАЗАРЫНА!» дабылы берілген кезде тұрғылықты халықтың іс-әрекеті

«БАРШАНЫҢ НАЗАРЫНА!» дабылы берілген кезде тұрғылықты халықтың іс-әрекеті

PDF Баспаға жіберу
18.08.2016 04:37

«Баршаның назарына!» құлақтандыру сигналы – төтенше жағдайлар қатері болған немесе болуы мүмкін кезде халықтың назарын аудару үшін дабылдамалар немесе басқа да дабыл беру құралдары арқылы берілетін құлақтандырудың бірыңғай сигналы.

«Баршаның назарына!» – бұл дабыл, Астана қаласы ТЖД жедел кезекшісімен, басқа шұғыл хабарландырулардың алдында берілетін, ескерту дабылы.

«БАРШАНЫҢ НАЗАРЫНА!» дабылы берілген кезде тұрғылықты халықтың іс-әрекеті:

дабылды, гудокты және т.б., естігенде тезарада  радионы («Астана»; «Шалкар»; «Ретро FM»; «Авторадио»; «Казахское радио») немесе теледидарды («Хабар»; «Казахстан»; «ОРТ Евразия»; «Астана»; «КТК»; «НТК» арналарын) қосыңыз және болуы мүмкін және болған төтенше жағдайлардың фактісі туралы ТЖД жедел кезекшісінің хабарламасын және іс-әрекет тәртібін тыңдаңыз. Естіген ақпаратыңызды көршіңізге жеткізіңіз, сонан соң тыңдаған тәртіп бойынша іс-әрекет етіңіз. Радиодан және теледидардан  мәтін 3-5 рет 5 минутқа дейін қайталанады.

Хабарландырудағы мәтінді мұқият тыңдап, зақымдану аймағынан шығу маршрутын есте сақтап және   әбігерленбей, тәртіппен тез әрекет ету керек.Үйден шығарда, құралдарды, жарық және жылу приборларын өшіріп, газды бекіту керек. Зақымданған аймақтан желдің бағытына тік (перпендикуляр) шығу (жел бүйіріңізден соғатын болсын, оң құлақ, не сол құлақ жағыңыздан) қажет. Хлор, аммиак иісін сезсеңіз тыныс жолдарын қорғайтын құралдарды кию немесе  суланған мақталы-дәкеден байлам тағу қажет.

Теле-радиодан хабар алуға техникалық мүмкіншілік болмаған жағдайда, өзіңізбен бірге ең қажетті заттарды алыңыз (жеке құжаттарыңыз, дәрі-дәрмек, 3 күнге жетерлік мөлшерде  азық-түлік және су, ақша, киім, аяқ киім, жеке тазалық сақтау затттарын) және алдын ала  ПИК төрағасынан, немесе  аудандық әкімдіктен анықтап біліп алып,  эвакуациялық жинақтау  пункті  ғимаратына келуіңіз керек.

ЕСТЕ САҚТАҢЫЗ! Дұрыс және сауатты іс-әрекет ету Сіздің және Сіздің жақындарыңыздың өмірін сақтауға көмегін тигізеді.



 
Система Orphus